February 19, 2012

ജീവിതം സേവന പ്രവര്‍ത്തനങ്ങള്‍ക്കായി ഉഴിഞ്ഞു വെക്കുക: എ.യു. റഹീമ ടീച്ചര്‍

ജീവിതം എങ്ങനെയാണ് നാം ജീവിച്ചു തീര്‍ക്കേണ്ടത് എന്ന ചോദ്യത്തിന് വ്യക്തമായ ഉത്തരം കണ്ടെത്തുമ്പോഴാണ് ഏതൊരാളിലും സേവന വികാരം ഉടലെടുക്കുകയെന്ന് ആലത്തൂര്‍ കൃപ പാലിയേറ്റീവ് കെയര്‍ സാരഥി എ.യു. റഹീമ ടീച്ചര്‍ പറഞ്ഞു. അശരണരും രോഗികളുമായ സാധു ജനങ്ങളെ പരിചരിക്കാന്‍ ഉഴിഞ്ഞു വെക്കുമ്പോഴാണ് സ്വജീവിതം സാര്‍ഥകമാകുന്നത്. സര്‍ക്കാര്‍ ഭാഗത്തുനിന്നുള്ള സഹായങ്ങളൊന്നും തന്റെ പ്രവര്‍ത്തനങ്ങള്‍ക്ക് ലഭിക്കുന്നില്ലെന്നും സുമനസുകളുടെയും തദ്ദേശ വാസികളുടെയും സഹായ സഹകരണങ്ങളാണ് പ്രവര്‍ത്തനങ്ങളുടെ സാമ്പത്തിക സ്രോതസ്സെന്നും അവര്‍ പറഞ്ഞു. എഫ്.സി.സി വനിതാവേദിയുടെ ആഭിമുഖ്യത്തില്‍ സംഘടിപ്പിച്ച കുടുംബ സംഗമത്തില്‍ സാന്ത്വന ചികില്‍സയുമായി ബന്ധപ്പെട്ട ശില്‍പശാലയില്‍ മുഖ്യപ്രഭാഷണം നടത്തുകയായിരുന്നു അവര്‍. വനിതാവേദി എക്‌സിക്യുട്ടീവ് കമ്മിറ്റി അംഗം നഹ്‌യ നസീര്‍ സ്വാഗതവും നന്ദിയും പറഞ്ഞു.

ഫോട്ടോ: ശില്പശാലയില്‍ എ.യു. റഹീമ ടീച്ചര്‍ സംസാരിക്കുന്നു

0 comments:

Post a Comment